ALBRTINA

ALBRTINA

Familia in Gallia illustris, refertur ad Iacobum Alberti, quid ad Regem Franciae Ludovicum, Claromontium Arvernorum, pro Napoleone Patre, quem Florentini ditionibus suis depulerant, auxilium implorans venerit et demum sedem ibi fixerit. Ex ea laudatur Stephanus Episcopus Claromontanus, qui dem Avenione Papa sedit, sub nomine Innocentii VI. A. C. 1352. Tres fratres hôc saeculô, Carolus, Conestabilis Franciae, Duces Luyncos dedit: Honoratus, Duces de Chaunes: Leo ab uxore, Dux Lucenburgi dictus est. E quibus Carolus, maritus Mariae Rohaneae pater fuit Ludovici Caroli Marchionis d' Albert, avus Caroli Honorati Marchionis d' Albert, Ducis de Chevurese, cui nupsit Iohanna Maria Colberta, filia Ioh. Baptistae Colberti Marchionis de Seignelay. Honoratus d' Albert, ex Anna de Rodulphe, pater fuit Honorati de Chevurese, avus Henr. Ludovici Ducis d' Ailly Ducis de Chaunes, quô nata est Catharina Carola d' Albert, d' Ailly de Chaunes, uxor Iohannis Baptistae Gastonis de Foix Dux de Rendan. Vide Phil. Iac. Spenerum Theatro Nohil. Europ. tom. III.